Hanuman Chalisa & हनुमान चालीसा

हनुमान चालीसा 

दोहा
श्रीगुरु चरन सरोज रज, निज मनु मुकुरु सुधारि ।
बरनउँ रघुबर बिमल जसु, जो दायकु फल चारि ।।
बुद्धिहीन तनु जानिके, सुमिरौं पवन-कुमार ।
बल बुधि बिद्या देहु मोहिं, हरहु कलेस बिकार ।।

चौपाई 

जय हनुमान ज्ञान गुन सागर ।

जय कपीस तिहुँ लोक उजागर ।। १ ।।

राम दूत अतुलित बल धामा ।

अंजनि-पुत्र पवनसुत नामा ।। २ ।।

महाबीर बिक्रम बजरंगी ।

कुमति निवार सुमति के संगी ।। ३ ।।

कंचन बरन बिराज सुबेसा ।

कानन कुंडल कुंचति केसा ।। ४ ।।

हाथ बज्र औ ध्वजा बिराजै ।

काँधे मूँज जनेऊ साजै ।। ५ ।।

संकर सुवन केसरीनंदन ।

तेज प्रताप महा जग बंदन ।। ६ ।।

बिद्यावान गुनी अति चातुर ।

राम काज करिबे को आतुर ।। ७ ।।

प्रभु चरित्र सुनिबे को रसिया ।

राम लखन सीता मन बसिया ।। ८ ।।

सूक्ष्म रूप धरि सियहिं दिखावा ।

बिकट रूप धरि लंक जरावा ।। ९ ।।

भीम रूप धरि असुर सँहारे ।

रामचंद्र के काज सँवारे ।। १० ।।

लाय सजीवन लखन जियाये ।

श्रीरघुबीर हरषि उर लाये ।। ११ ।।

रघुपति कीन्ही बहुत बडाई ।

तुम मम प्रिय भरतहि सम भाई ।। १२ ।।

सहस बदन तुम्हरो जस गावैं ।

अस कहि श्रीपति कंठ लगावैं ।। १३ ।।

सनकादिक ब्रह्मादि मुनीसा ।

नारद सारद सहित अहीसा ।। १४ ।।

जम कुबेर दिगपाल जहाँ ते ।

कबि कोबिद कहि सके कहाँ ते ।। १५ ।।

तुम उपकार सुग्रीवहिं कीन्हा ।

राम मिलाय राज पद दीन्हा ।। १६ ।।

तुम्हरो मन्त्र बिभीषन माना ।

लंकेस्वर भए सब जग जाना ।। १७ ।।

जुग सहस्र जोजन पर भानू ।

लील्यो ताहि मधुर फल जानू ।। १८ ।।

प्रभु मुद्रिका मेलि मुख माहीं ।

जलधि लांघि गये अचरज नाहीं ।। १९ ।।

दुर्गम काज जगत के जेते ।

सुगम अनुग्रह तुम्हरे तेते ।। २० ।।

राम दुआरे तुम रखवारे ।

होत न आज्ञा बिनु पैसारे ।। २१ ।।

सब सुख लहै तुम्हारी सरना ।

तुम रच्छक काहू को डर ना ।। २२ ।।

आपन तेज सम्हारो आपै ।

तीनों लोक हाँक ते काँपै ।। २३ ।।

भूत पिसाच निकट नहिं आवै ।

महाबीर जब नाम सुनावै ।। २४ ।।

नासै रोग हरै सब पीरा ।

जपत निरंतर हनुमत बीरा ।। २५ ।।

संकट तें हनुमान छुडावै ।

मन क्रम बचन ध्यान जो लावै ।। २६ ।।

सब पर राम तपस्वी राजा ।

तिन के काज सकल तुम साजा ।। २७ ।।

और मनोरथ जो कोइ लावै ।

सोइ अमित जीवन फल पावै ।। २८ ।।

चारों जुग परताप तुम्हारा ।

है परसिद्ध जगत उजियारा ।। २९ ।।

साधु संत के तुम रखवारे ।

असुर निकंदन राम दुलारे ।। ३० ।।

अष्ट सिद्धि नौ निधि के दाता ।

अस बर दीन जानकी माता ।। ३१ ।।

राम रसायन तुम्हरे पासा ।

सदा रहो रघुपति के दासा ।। ३२ ।।

तुम्हरे भजन राम को पावै ।

जनम जनम के दुख बिसरावै ।। ३३ ।।

अंत काल रघुबर पुर जाई ।

जहाँ जन्म हरि-भक्त कहाई ।। ३४ ।।

और देवता चित्त न धरई ।

हनुमत सेइ सर्ब सुख करई ।। ३५ ।।

संकट कटै मिटै सब पीरा ।

जो सुमिरै हनुमत बलबीरा ।। ३६ ।।

जै जै जै हनुमान गोसाई ।

कृपा करहु गुरु देव की नाई ।। ३७ ।।

जो सत बार पाठ कर कोई ।

छूटहि बंदि महा सुख होई ।। ३८ ।।

जो यह पढै हनुमानचालीसा ।

होय सिद्धि साखी गौरीसा ।। ३९ ।।

तुलसीदास सदा हरि चेरा ।

कीजै नाथ हृदय महँ डेरा ।। ४० ।।

दोहा

पवनतनय संकट हरन, मंगल मूरति रूप ।

राम लखन सीता सहित, हृदय बसहु सुर भूप ।।

Hinglish Version

Doha 

shreeguru charan saroj raj , nij manu mukuru sudhaari . 

baranun raghubar bimal jasu , jo daayaku phal chaari ..

buddhiheen tanu jaanike , sumiraun pavan-kumaar .

bal budhi bidya dehu mohin, harahu kales bikaar ..

 Chaupaee 

jay hanumaan gyaan gun saagar .

jay kapees tihun lok ujaagar .. 1 .. 

raam doot atulit bal dhaama . 

anjani-putr pavanasut naama .. 2 ..

mahaabeer bikram bajarangee . 

kumati nivaar sumati ke sangee .. 3 .. 

kanchan baran biraaj subesa . 

kaanan kundal kunchati kesa .. 4 ..

 haath bajr au dhvaja biraajai . 

kaandhe moonj janeoo saajai .. 5 ..

sankar suvan kesareenandan . 

tej prataap maha jag bandan .. 6 ..

bidyaavaan gunee ati chaatur . 

raam kaaj karibe ko aatur .. 7 ..

prabhu charitr sunibe ko rasiya . 

raam lakhan seeta man basiya .. 8 .. 

sookshm roop dhari siyahin dikhaava . 

bikat roop dhari lank jaraava .. 9 ..

bheem roop dhari asur sanhaare .

raamachandr ke kaaj sanvaare .. 10 .. 

laay sajeevan lakhan jiyaaye .

shreeraghubeer harashi ur laaye .. 11 ..

raghupati keenhee bahut badaee . 

tum mam priy bharatahi sam bhaee .. 12 .. 

sahas badan tumharo jas gaavain . 

as kahi shreepati kanth lagaavain .. 13 ..

sanakaadik brahmaadi muneesa . 

naarad saarad sahit aheesa .. 14 .. 

jam kuber digapaal jahaan te . 

kabi kobid kahi sake kahaan te .. 15 ..

tum upakaar sugreevahin keenha . 

raam milaay raaj pad deenha .. 16 ..

 

tumharo mantr bibheeshan maana . 

lankesvar bhe sab jag jaana .. 17 .. 

jug sahasr jojan par bhaanoo . 

leelyo taahi madhur phal jaanoo .. 18 ..

prabhu mudrika meli mukh maaheen . 

jaladhi laanghi gaye acharaj naaheen .. 19 ..

durgam kaaj jagat ke jete . 

sugam anugrah tumhare tete .. 20 .. 

raam duaare tum rakhavaare . 

hot na aagya binu paisaare .. 21 ..

sab sukh lahai tumhaaree sarana . 

tum rachchhak kaahoo ko dar na .. 22 ..

aapan tej samhaaro aapai . 

teenon lok haank te kaanpai .. 23 ..

bhoot pisaach nikat nahin aavai . 

mahaabeer jab naam sunaavai .. 24 .. 

naasai rog harai sab peera . 

japat nirantar hanumat beera .. 25 ..

sankat ten hanumaan chhudaavai . 

man kram bachan dhyaan jo laavai .. 26 ..

sab par raam tapasvee raaja . 

tin ke kaaj sakal tum saaja .. 27 ..

 

aur manorath jo koi laavai . 

soi amit jeevan phal paavai .. 28 ..

chaaron jug parataap tumhaara . 

hai parasiddh jagat ujiyaara .. 29 ..

saadhu sant ke tum rakhavaare . 

asur nikandan raam dulaare .. 30 ..

asht siddhi nau nidhi ke daata . 

as bar deen jaanakee maata .. 31 ..

 

raam rasaayan tumhare paasa . 

sada raho raghupati ke daasa .. 32 ..

tumhare bhajan raam ko paavai . 

janam janam ke dukh bisaraavai .. 33 ..

ant kaal raghubar pur jaee .

jahaan janm hari-bhakt kahaee .. 34 ..

aur devata chitt na dharee . 

hanumat sei sarb sukh karee .. 35 ..

sankat katai mitai sab peera .

jo sumirai hanumat balabeera .. 36 ..

jai jai jai hanumaan gosaee . 

krpa karahu guru dev kee naee .. 37 ..

jo sat baar paath kar koee . 

chhootahi bandi maha sukh hoee .. 38 .. 

jo yah padhai hanumaanachaaleesa . 

hoy siddhi saakhee gaureesa .. 39 .. 

tulaseedaas sada hari chera . 

keejai naath hrday mahan dera .. 40 .. 

Doha 

pavanatanay sankat haran, mangal moorati roop . 

raam lakhan seeta sahit, hrday basahu sur bhoop ..